काठमाडौं । राधी विद्युत कम्पनी लिमीटेडले लाभांश घोषणा गरेको छ ।
कम्पनीले हाल कायम चुक्तापूँजीको ४.७५ प्रतिशत बोनस सेयर र कर प्रयोजनका लागि आवश्यक ०.२५ प्रतिशत नगद लाभांश घोषणा गरेको हो ।
उक्त लाभांश पारित लगायतका एजेण्डासहित कम्पनीले आफ्नो साधारणसभा बोलाएको छ। सभा आगामी पुस २९ गते आइतबार काठमाडौंको त्रिपुरेश्वरस्थित कम्पनीको कार्यालयमा बोलाएको हो ।
सभामा सञ्चालक समितिको आर्थिक वर्ष २०७९/८० को वार्षिक प्रतिवेदन छलफल गरी पारित गर्ने, लेखापरीक्षकको प्रतिवेदनसहित सोही आ।ब।को वासलात, नाफानोक्सान हिसाब तथा सोही अवधिको नगद प्रवाह विवरण छलफल गरी पारित गर्ने, कम्पनीको प्रबन्धपत्र तथा नियमावली संसोधन गर्ने लगायतका प्रस्ताव रहेका छन् ।
कम्पनीले साधारणसभा प्रयोजनका लागि पुस १५ गते बुक क्लोज गर्ने भएको छ । यसर्थ पुस १४ गतेसम्म कायम सेयरधनीले मात्र लाभांश पाउन र साधारणसभामा भाग लिन पाउनेछन् ।
वि.सं.२०८० पुस ८ आइतवार १०:२० मा प्रकाशित
