काठमाडौं । नेसनल लघुवित्त वित्तीय संस्थाले संस्थापक सेयर बिक्रीमा ल्याएको छ । लघुवित्तले आज माघ ४ गतेदेखि संस्थापक सेयरधनीको नाममा रहेको ६३ हजार २४२ कित्ता संस्थापक सेयर बिक्री खुला गरेको हो ।
यसमा जो कोही व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् । यसअघि विद्यमान संस्थापक सेयरधनीहरुले सेयर खरिद नगरेपछि सो सेयर सर्वसाधारण लगानीकर्ताले समेत किन्न सक्ने गरी बिक्री खुला गरिएको हो ।
सेयर खरिद गर्न इच्छुक लगानीकर्ताले आजको मितीले १० दिनभित्र कम्पनीको केन्द्रीय कार्यालय बनेपा-१० काभ्रेपलान्चोकमा के-कति सेयर खरिद गर्ने व्यहोरा खुलाई आवेदन फारम बुझाउन सक्नेछन् ।
वि.सं.२०८० माघ ४ बिहीवार १२:२७ मा प्रकाशित
