काठमाडौं । चन्द्रागिरी हिल्स लिमिटेडको संस्थापक सेयर, स्थानीय बासिन्दा र कर्मचारीलाई बाँडफाँड भएको सेयरको ‘लक इन’ अवधि आज माघ ८ गते सकिने भएको छ । लक इन अवधि खुलेपछि शेयर दोस्रो बजारमा कारोबार गर्न मिल्ने छ।
कम्पनीको संथापकतर्फको १ करोड ३५ लाख कित्ता, स्थानीयवासीको ३ लाख ६ हजार ८१९ कित्ता र ६१ हजार ३६४ कित्ता सेयर गरि कुल १ करोड ३८ लाख ६८ हजार १८३ कित्ता सेयरको लक इन अवधि खुल्ने भएको हो । लाइन अवधि सकिएसँगै आज सोमबारदेखि नै यी सेयर साधारण सरह नै उही मूल्यमा, उही कोडबाट कारोबार गर्न सकिनेछ ।
कम्पनीले सर्वसाधारणलाई २०७७ माघ ९ गते सेयर बाँडफाँड गरेको थियो । उक्त मितिबाट ३ वर्षसम्म संस्थापक सेयरधनी, स्थानीय बासिन्दा र कर्मचारीहरुको सेयर लक इनमा राख्नुपर्ने व्यवस्था रहेको छ ।
वि.सं.२०८० माघ ८ सोमवार ०९:५९ मा प्रकाशित