काठमाडौं । साताको दोस्रो कारोबार दिन सेयर बजारमा बढोत्तरी आएको छ । उक्त दिन बजार १४.५७ अंकले बढेर २०७६ को विन्दुमा कायम हुन पुगेको छ ।
उक्त दिन सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ । आज कम्पनीको १८ करोड ५९ लाख ५ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको ङादी ग्रुप पावरको १५ करोड ४६ लाख ९५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन हाथवे इन्भेष्टमेन्टको ८ करोड २३ लाख १५ हजार रुपैयाँ, चन्द्रागिरी हिल्सको ५ करोड ९९ लाख ७३ हजार रुपैयाँ र रिडी पावर कम्पनीको ५ करोड ५५ लाख ८५ हजार रुपैयाँको कारोबार भएको हो ।
वि.सं.२०८० माघ २२ सोमवार १५:१० मा प्रकाशित
