काठमाडौं । चालु आर्थिक वर्षको मौद्रिक नीतिको अर्धवार्षिक समीक्षा आजै साँझ आउने सम्भावना देखिएको छ ।
नीति तथा अनुसन्धान विभागले तयार गरेको मौद्रिक नीतिलाई पारित गर्ने उद्देश्यले राष्ट्र बैंकले सञ्चालक समितिको बैठक आजै साँझ ५ बजेपछि बोलाएको छ । सञ्चालक समितिले स्वीकृत गरेमा राष्ट्र बैंकले मौद्रिक नीति समीक्षा आजै साँझ सार्वजनिक गर्ने सम्भावना छ । स्रोतले भन्यो, ‘सञ्चालन समितिबाट पारित भयो भने आज बेलुकासम्म मौद्रिक नीतिको अर्धवार्षिक समीक्षा सार्वजनिक हुनेछ ।’
स्रोतका अनुसार मौद्रिक नीतिमा सेयर बजारलाई प्रभाव पुग्ने गरी केही नीतिगत परिवर्तनहरु हुनसक्ने सम्भावना छ । मार्जिन प्रकृतिको कर्जा लगायतका कर्जाहरुको प्रवाह बढाउने गरी मौद्रिक नीति तयार भएकोले बोर्डबाट पास भएको खण्डमा केही लचक नीतिहरु आउनसक्छन् ।
वि.सं.२०८० माघ २९ सोमवार १२:४२ मा प्रकाशित
