काठमाडौं । रिलायन्स स्पिनिङ मिल्सले बुक विल्डिङ विधिबाट सर्वसाधारणलाई आइपीओ बिक्री गर्ने भएको छ । आईपीओ निष्काशनको लागि कम्पनीले गर्न नेपाल धितोपत्र बोर्ड (सेबोन) सँग अनुमति मागेको हो ।
कम्पनीले प्रतिकित्ता ८२०.८० रुपैयाँको दरले ११ लाख ५५ हजार ९६० कित्ता आइपीओ बिक्री गर्न बोर्डसँग अनुमति मागेको छ । यसआधारमा कम्पनीले कुल ९४ करोड ८८ लाख ११ हजार ९६८ रुपैयाँको आइपीओ जारी गर्नेछ ।
कम्पनीले यसअघि योग्य संस्थागत लगानीकर्ताहरुलाई बोलपत्र आह्वान गरेको थियो । योग्य संस्थागत लगानीकर्ताले कबोल गरेको मूल्यका आधारमा सेयरको कट अफ मूल्य प्रतिकित्ता ९१२ रुपैयाँ कायम भएको थियो । उक्त मूल्यमा १० प्रतिशत रकम घटाएर सर्वसाधारणलाई आइपीओ बिक्री गर्नुपर्ने व्यवस्था रहेका कारण कम्पनीले प्रतिकित्ता ८२०.८० रुपैयाँमा आइपीओ जारी गर्न अनुमति मागेको हो ।
बुक विल्डिङ विधिबाट जारी हुने आइपीओमा न्यूनतम ५० कित्ता आवेदन दिनुपर्ने व्यवस्था रहेको छ । तसर्थ, रिलायन्स स्पिनिङको आइपीओ भर्न सर्वसाधारणले न्यूनतम ४१ हजार ४० रुपैयाँ जम्मा गर्नुपर्नेछ । यसमा बिक्री प्रबन्धकको काम ग्लोबल आइएमई क्यापिटलले गर्नेछ ।
वि.सं.२०८० माघ २९ सोमवार १७:३२ मा प्रकाशित
