काठमाडौं । आज फागुन २९ गते मंगलबार माउन्टेन इनर्जी नेपाल र नेसनल लघुवित्तको लाभांश सुरक्षित गर्ने अन्तिम दिन रहेको छ । दुवै कम्पनीले साधारण सभा प्रयोजनको लागि भोली फागुन ३० गते बुधबार बुक क्लोज गर्ने भएका छन् । यसर्थ यी दुई कम्पनीको लाभांश हात पार्न आजै सेयरधनी बन्नुपर्ने हुन्छ ।
माउन्टेन इनर्जी नेपाल लिमिटेडले गत वर्षको नाफाबाट लगानीकर्तालाई १५ प्रतिशत बोनस सेयर र कर प्रयोजनका लागि ०.७८ प्रतिशत नगद लाभांश वितरण गर्दैछ । सोही लाभांश पारित गर्न कम्पनीले चैत १३ गते अम्रपाली ब्यांकेट, भाटभटेनी, काठमाडौंमा बिहान साढे १० बजे साधारण सभा बोलाएको छ ।
त्यसैगरी, नेसनल लघुवित्तले गत वर्षको नाफाबाट ७.५ प्रतिशत बोनस सेयर र कर प्रयोजनसहित ७.५ प्रतिशत नगद गरी जम्मा १५ प्रतिशत लाभांश वितरण गर्दैछ । सोही लाभांश पारितको प्रस्तावसहित कम्पनीले चैत १६ गते वार्षिक साधारण सभा बोलाएको छ । सभा धुलिखेल लज रिसोर्ट धेलिखेल, काभ्रेपलाञ्चोकमा बिहान १०ः३० बजेदेखि सुरु हुनेछ ।
वि.सं.२०८० फागुन २९ मंगलवार ०७:१४ मा प्रकाशित
