काठमाडौं । साताको दोस्रो कारोबार दिन सेयर बजारमा गिरावट आएको छ । सोमबार बजार ६.२६ अंकले घटेर २०१२ को विन्दुमा कायम हुन पुगेको छ ।
उक्त दिन सबैभन्दा बढी सर्वोत्तम सिमेन्टको सेयर सर्वाधिक सेयर कारोबार भएको छ । आज कम्पनीको ४७ करोड २९ लाख १७ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्टको ११ करोड २३ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन गुर्खाज फाइनान्सको ९ करोड ९९ लाख ७१ हजार रुपैयाँ, पिपुल्स पावर लिमिटेडको ५ करोड ७९ लाख ४१ हजार रुपैयाँ र मायाखोला हाइड्रोपावरको ५ करोड ६० लाख १६ हजार रुपैयाँको कारोबार भएको हो ।
वि.सं.२०८० चैत १९ सोमवार १५:०६ मा प्रकाशित
