काठमाडौं । एनआईबिएल एस क्यापिटल लिमिटेडले नवौँ वाषिर्क साधारणसभाका लागि मिति तय गरेको छ । क्यापिटलले आउँदो असोज १५ गते सभा गर्ने भएको हो ।
कम्पनीको भदौ २३ गते बसेको संचालक समितिको ९१ औँ बैठकले निर्णयले उक्त सभा गर्ने भएको हो । सभाले संचालक समितिबाट प्रस्ताव गरे बमोजिम २६ प्रतिशत नगदा लाभांश (कर सहित) वितरण गर्ने प्रस्ताव पारित गर्ने छ ।
साथै आर्थिक वर्ष २०७७/७८ को संचालक समितिको प्रतिवेदन उपर छलफल गरि पारित, लेखा परीक्षकको प्रतिवेदन सहितको २०७८ असार ३१ मा समाप्त भएको वर्ष वासलात तथा सोही मितिमा समाप्त् भएको नाफा नोक्सान हिसाब तथा नगद प्रवाह विवरण उपर छलफल गरि पारित गर्नेछ ।
सभामा आर्थिक वर्ष २०७७/७८ मा कम्पनीको संस्थागत सामाजिक उत्तरदायित्व अन्तर्गत खर्च गरिएको अनुदान/दान रकम ४ लाख २४ हजार रुपैयाँ पारित गर्ने विशेष प्रस्ताव रहेको छ ।
वि.सं.२०७८ भदौ २४ बिहीवार ११:३३ मा प्रकाशित
