काठमाडौं । साताको पहिलो कारोबार दिन सेयर बजारमा उछाल आएको छ । आइतबार बजार ७१.४३ अंकले वृद्धि भएको छ ।
उक्त दिन बजार परिसुचक २९४७.४२ अंकको बिन्दुमा पुगेर बन्द भएको छ । आज ९ अर्ब ४४ करोड ३५ हजार रुपैयाँ बराबरको कारोबार भएको छ ।
आज १ करोड ७१ लाख ३३३ कित्ता सेयर खरिदबिक्री भएको हो । उक्त दिन म्युचुअल फण्ड बाहेक सबै समूह हरियाली बनेका छन् ।
आइतबार सबैभन्दा बढी अरुण भ्याली हाइड्रोपावरको ७३ करोड ७७ लाख ८ हजार रुपैयाँ बराबरको कारोबार भएको छ ।
कारोबार कै आधारमा दोस्रो स्थानमा रहेको युनाईटेड मोदी हाइड्रोपावरको भने ४५ करोड ११ लाख १७ हजार रुपैयाँ बराबरको कारोबार भएको छ ।
वि.सं.२०७८ भदौ २७ आइतवार १५:१३ मा प्रकाशित