काठमाडौं । एक वर्षको अवधिमा सुनको मूल्यमा भारी गिरावट आएको छ । नेपाली बजारमा छापावला सुनको मूल्य प्रतितोला ७ हजार रुपैयाँले घटेको हो ।
नेपाल सुनचाँदी व्यवसायी महासंघका अनुसार गत वर्षको भदौ मसान्त र यस वर्षको सोही अवधिको तुलनामा सुनको मूल्य उक्त रकमले घटेको हो ।
महासंघका अनुसार गत वर्ष भदौ मसान्तमा ९७ हजार ५ सय रुपैयाँमा कारोबार भएको सुनको मूल्य यस वर्षको सोही दिनसम्म आईपुग्दा ९० हजार ५ सय रुपैयाँ कायम भएको छ ।
उक्त अवधिमा चाँदीको मूल्यमा पनि गिरावट देखिएको छ । गत वर्षको भदौ मसान्तमा प्रतितोला १ हजार ३४० रुपैयाँमा कारोबार भएको चाँदी यस वर्षको सोही दिन १ हजार २ सय रुपैयाँ कायम भएको छ ।
वि.सं.२०७८ असोज ३ आइतवार ११:५५ मा प्रकाशित
