काठमाडौं । साताको दोस्रो कारोबारमा निकै उतार चढावकाबीच सेयर बजारमा दोहोरो अंकको बढोत्तरी भएको छ ।
मंगलबारको कारोबारमा बजार १३.८३ अंकले बढेर परिसूचक २७१२.०७ बिन्दुमा रोकिएको छ । केही दिन यता लगातार बजारमा पहिरो गइरहेको थियो । यो दिनको कारोबारमा भने लगानीकर्ता केही सम्हालिएको देखिएको छ । ठूला कम्पनीको कारोबार मापन गर्ने सेन्सेटिभ इन्डेक्स २.३६ अंकले बढेर ५०८.६२ बिन्दुमा रोकिएको छ ।
मंगलबार २२३ कम्पनीको १ करोड ५३ लाख ६ हजार ६१ कित्ता सेयर ७ अर्ब ३६ करोड ४७ लाख ९८ हजार ६५२ रुपैयाँमा किनबेच भएको छ ।
कारोबारमा अधिकांश समूहको उपसूचमा बढोत्तरी देखिएको छ । यो दिन बैंकिङ ३.७४, होटल ७६.०९, विकास बैंक २७.३७, जलविद्युत २२.८३, निर्जीबन बीमा ७२.०२, माइक्रोफाइनान्स १४.४९, जीवन बीमा समूहको उपसूचक १९९.६४ अंकले बढेको छ ।
वि.सं.२०७८ असोज ५ मंगलवार १५:२६ मा प्रकाशित
