काठमाडौं । सेयर बजारमा उछाल आएपनि कारोबार रकममा भने धेरै उत्साह देखिएको छैन ।
बुधबारको कारोबारमा सेयर बजार १०४.८८ अंकले बढेर परिसूचक २८१६.९५ बिन्दुमा रोकिएको छ । यो दिन भएको २१७ कम्पनीको १ करोड २१ लाख २२ हजार २९८ कित्ता सेयर ६ अर्ब १७ करोड ९३ लाख १५७ रुपैयाँको सेयर किनबेच भएको छ । कारोबारमा सबै समूहको उपसूचकमा निकै बढोत्तरी देखिएको छ ।
कारोबारमा ठूला कम्पनीको कारोबार मापन गर्ने सेन्सेटिभ इन्डेक्स १९.४७ अंकले बढेर ५२८.१० बिन्दुमा रोकिएको छ । कारोबारमा बैंकिङ समूहको उपसूचक ६०.९२, विकास बैंक ३८१.४२, फाइनान्स २०७.९३, जलविद्युत १६९.४४, जीवन बीमा ५५१.७५, माइक्रोफाइनान्स १७०.७३, निर्जीबन बीमा समूहको उपसूचक ४४१.८७ अंकले बढेको छ ।
केही समय यता सेयर बजारमा निकै गिरावट आएको थियो । बीचमा केही सुधार आएपनि लगानीकर्ताको मनोबल भने खस्किने थालेको थियो । बुधबारको कारोबारमा बजारमा ३ अंकको सुधार आउँदा लगानीकर्ता निकै हर्षित बनेका छन् । तर कारोबार रकम भने इन्डेक्स अनुसार नबढ्दा बिहीबारको कारोबार के हुने भन्नेमा अन्योलमा भने रहेका छन् ।
वि.सं.२०७८ असोज ६ बुधवार १५:१९ मा प्रकाशित
