काठमाडौं । चालु आर्थिक वर्षको साउन मसान्तसम्म संघीय सरकारले साढे १० अर्ब खर्च गरेको छ ।
महालेखा नियन्त्रक कार्यालयका अनुसार उक्त अवधिमा संघीय सरकारले चालु खर्च ९ खर्ब ६५ करोड र पुँजीगत खर्च ९३ करोड रुपैयाँ रहेको छ ।
राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थिती आर्थिक वर्ष २०७८/७९ को पहिलो महिनाको तथ्यङ्कले यस्तो देखाएको हो ।
समीक्षा अवधिमा सरकारको कर राजस्व ९३ अर्ब २६ करोड (प्रदेश सरकार तथा स्थानीय तहमा बाँडफाँट हुने रकमसमेत) परिचालन भएको छ । जसमध्ये राजश्व ७६ अर्ब १९ करोड र गैर कर राजस्व १७ अर्ब ७ करोड रुपैयाँ रहेको छ ।
राष्ट्र बैंकको तत्थयाङ्क अनुसार आर्थिक वर्ष २०७८/७९ को साउन महिनासम्ममा प्रदेश सरकारको स्रोत प्राप्ति ८ अर्ब ५३ करोड रुपैयाँ रहेको छ ।
यसमध्ये संघीय सरकारले प्रदेश सरकारलाई अनुदान र संघीय विभाज्य कोषबाट बाँडफाँट हुने राजस्व समेत गरी ४ अर्ब ८८ करोड रुपैयाँ हस्तान्तरण गरेको छ ।
उक्त अवधिमा प्रदेश सरकारहरुले राजस्व र अन्य स्रोतबाट ३ अर्ब ६५ करोड रुपैयाँ परिचालन गरेका छन भने प्रदेश सरकारहरुको खर्च ६५ लाख रुपैयाँ रहेको छ ।
वि.सं.२०७८ असोज ७ बिहीवार १६:२७ मा प्रकाशित
