काठमाडौं । नेपाल स्टक एक्सचेञ्ज(नेप्से)ले असोज मसान्तसम्म वार्षिक नविकरण शुल्क बुझाउनका लागि अनुरोध गरेको छ ।
नेप्सेमा सूचीकृत कम्पनीहरुले आर्थिक वर्ष २०७८/७९ को धितोपत्रको वार्षिक नविकरण शुल्क बुझाउनका लागि अनुरोध गरेको हो ।
सूचीकृत कम्पनीहरुले धितोपत्र सूचीकरण विनियमावली, २०७५ को अनुसूची ३ (क) र (ख)मा भएको व्यवस्था बमोजिम नविकरण शुल्क बुझाउन भनेको हो ।
चुक्तापुँजी ५० करोडसम्मका धितोपत्रको वार्षिक शुल्क ५० हजार, ५० करोडभन्दा माथि चुक्तापुँजीका धितोपत्रको वार्षिक एक लाख रुपैयाँ नविकरण शुल्क लाग्ने नेप्सेले जनाएको छ ।
यस्तै, डिवेन्चर/म्युचुअल फण्ड(सामूहिक लगानी कोषको) वार्षिक नवीकरण शुल्क भने ५० करोडसम्म वार्षिक २५ हजार र ५० करोड भन्दाको ५० हजार रुपैयाँ शुल्क लाग्ने छ ।
नविकरण रकम भने नेप्सेको ग्लोबल आइएमई बैंकमा रहेको खाता नम्बर ७५०१०१००००७७५ मा जम्मा गरि बैंक भौचर [email protected] मा पठाउनुपर्ने छ ।
तोकिएको समयमा नवीकरण शुल्क नबुझाएमा नविकरण शुल्कको वार्षिक १० प्रतिशतका दरले जरिवाना लाग्ने साथै धितोपत्र सूचीकरण विनियमावली, २०७५ को विनियम १६ अनुसार सूचीकरण स्थगन गर्ने सकिने नेप्सेले जनाएको छ ।
वि.सं.२०७८ असोज ८ शुक्रवार १२:२७ मा प्रकाशित
