काठमाडौं । ल्याण्डिङ गियरमा समस्या आएपछि विराटनगरमा अवतरण हुन नसकेको बुद्ध एयरको जहाज त्रिभुवन अन्तर्राष्ट्रिय विमानस्थलमा नै फर्किएको छ ।
विराटनगरमा अवतरण हुन नसकी फर्किएको उक्त जहाजमा विमानस्थलमा सुरक्षित अवतरण भएको बताइएको छ ।
काठमाडौंबाट विराटनगरका लागि उडेको विमान अवतरणका क्रममा ल्याण्डिङ गियरमा समस्या भएपछि अवतरण हुन सकेको थिएन । त्यहाँको विमानस्थलमा आवश्यक भौतिक पूर्वाधारको अभावका कारण अवतरण हुन नसकेपछि काठमाडौंमा फर्किएको बताइएको छ ।
काठमाडौं फर्कदा त्रिभुव अन्तर्राष्ट्रिय विमानस्थलमा सबै खाले उडान रोकेर ल्याण्ड गरिएको हो । केही समय जहाजलाई काठमाडौंको आकाशमा नै होल्ड गरिएको थियो ।
काठमाडौंको आकाशमा केही फन्का लगाएको जहाज विमानस्थलमा आवश्यक पुर्वाधार तयार गरेर सुरक्षित रुपमा अवतरण गरेको विमानस्थल स्रोतले जनाएको छ । अवतरणपछि अन्य सबै खाले उडानलाई नियमित समेत गरिएको छ ।
वि.सं.२०७८ असोज ११ सोमवार १०:५२ मा प्रकाशित