काठमाडौं । नेपाल बैंक लिमिटेडले घर भाडामा लिनका लागि शिलबन्दी बोलपत्र आह्वान गरेको छ । बैंकको ठिमी शाखा स्थानान्तरणका लागि घर भाडामा लिन लागेको हो ।
बैंकले व्यापारिक क्षेत्रको मुख्या सडकमा अवस्थित घरको भुइँ तल्ला अथवा पहिलो र दोस्रो तल्लाको करिब १६ सयदेखि २ हजार वर्गफिटसम्म कार्पेट एरिया भएको घर घाडामा लिन लागेको जनाएको छ।
उक्त शाखाका लागि प्रस्तावित क्षेत्र मध्यपुर ठिमी नगरपालिका–४, हाल नेपाल बैंकको रहेको शाखाबाट मुख्य बजार सडकको दायाँ बायाँ करिब ४ सय मिटर क्षेत्रभित्रको घरहरु रहेका छन् ।
शिलबन्दी बोलपत्र पेश गर्दाए प्रस्तावित घर आरसीसी फ्रेम स्ट्रक्चरको हुनुपर्ने, पानी, बत्ति, बाटोको व्यवस्था भएको, भवनको भुइँ तल्लामा एटीएम र जेनेरेटर राख्ने स्थान उपलब्ध भएको हुनुपर्नेछ ।
सम्वन्धित निकायमबाट घरको नक्सा पास भएको तथा निर्माण सम्पन्न प्रमाणपत्र लिएको, सडकको मापदण्डभित्र नपर्ने र घर भाडामा दिने नयुनतम समयावधि १० वर्ष र त्यसपछि नविकरण गर्न सकिने बैंकले जनाएको छ ।
शिलबन्दी प्रस्ताव ढाँचा (निवेदन फाराम) बैंकको सामान्य सेवा विभाग वा बैंकको वेवसाइट बाट डाउनलोड गरी प्राप्त गर्न सकिनेछ ।
वि.सं.२०७८ असोज १७ आइतवार १२:५४ मा प्रकाशित
