काठमाडौं । राष्ट्र बैंकले सहुलियत दरमा प्रदान गर्दै आएको पुनरकर्जा भदौ मसान्तमा १ खर्ब १८ अर्ब ८५ करोड रुपैयाँ लगानीमा भएको छ ।
भदौ मसान्तसम्ममा १ लाख २० हजार ७ सय १५ ऋणीलाई सहुलियतपूर्ण कर्जा प्रवाह भई १ खर्ब ८७ अर्ब १६ करोड कर्जा बक्यौता रहेको छ ।
यसमध्ये कृषि तथा पशुपंक्षी व्यवसाय कर्जा अन्तर्गत ५१ हजार २ सय ७२ ऋणीलाई प्रवाह भएको १ खर्ब २१ अर्ब ६ करोड कर्जा रहेको छ भने महिला उद्यमशील कर्जा अन्तर्गत ६६ हजार ६ सय ९० महिला उद्यमीलाई प्रवाह भएको ६२ अर्ब ३७ करोड कर्जा रहेको छ । सहुलियतपूर्ण कर्जाका अन्य शीर्षक अन्तर्गत २ हजार ७ सय ५३ ऋणीको ३ अर्ब ७३ करोड कर्जा बक्यौता रहेको छ ।
“व्यावसायिक निरन्तरता कर्जा प्रवाह कार्यविधि, २०७७” बमोजिम कोभिड–१९ प्रभावित पर्यटन र घरेलु, साना तथा मझौला उद्यम क्षेत्रको व्यवसाय निरन्तरतामा सहयोग पु¥याउन ती क्षेत्रका श्रमिक तथा कर्मचारीको पारिश्रमिक भुक्तानीका लागि व्यवस्था गरिएको कर्जा २०७८ भदौ मसान्तसम्ममा १ अर्ब स्वीकृत भएको छ ।
वि.सं.२०७८ कात्तिक ८ सोमवार १८:२० मा प्रकाशित
