काठमाडौं । फर्स्ट माइक्रोफाइनान्स लघुवित्त वित्तीय संस्थाले बुक क्लोज मिति तय गरेको छ । कम्पनीले साधारणसभा प्रयोजनका लागि बुक क्लोज गर्ने भएको हो ।
कम्पनीको कात्तिक १३ गते बसेको संचालक समितिको बैठकले आगामी मंसिर १६ गते साधारणसभा गर्ने निर्णय गरेको छ ।
सभाले आर्थिक वर्ष २०७७/७८ को मुनाफाबाट लगानीकर्ताहरुलाई १० प्रतिशत बोनस सेयर र कर प्रयोजनका लागि ०.५३ प्रतिशत नगद लाभांश वितरण गर्ने प्रस्ताव पारित गर्नेछ ।
सभा प्रयोजनका लागि कम्पनीले मंसिर ५ गते एक दिनका लागि बुक क्लोज गर्ने भएको छ ।
वि.सं.२०७८ कात्तिक १७ बुधवार ०९:३१ मा प्रकाशित
