काठमाडौं । शिवश्री हाइड्रोपावर कम्पनीले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
बुधवार सार्वजनिक भएको विवरण अनुसार कम्पनी चालु आवको असोज मसान्तसम्म १० करोड ३३ लाख ३० हजार रुपैयाँ नोक्सानीमा देखिएको छ ।
उक्त अवधिमा कम्पनीको विद्युत बिक्री आम्दानी ४ करोड ३६ लाख ५६ हजार रुपैयाँ रहेको छ । असोज मसान्तसम्ममा कम्पनीले ३ करोड ५२ लाख ६१ हजार रुपैयाँ सञ्चालन मुनाफा आर्जन गरेको छ ।
उक्त अवधिमा कम्पनीको वित्तीय खर्च १२ करोड ९५ लाख ८९ हजार रुपैयाँ रहेको छ । कम्पनीको चुक्ता पुँजी १ अर्ब ४४ करोड ४ लाख रुपैयाँ रहेको छ ।
चालु आवको असोज मसान्तमा कम्पनीको जगेडा तथा कोष पनि ऋणात्मक देखिएको छ । उक्त अवधिमा कम्पनीको जगेडा तथा कोष ८ करोड ४९ लाख १९ हजार रुपैयाँ ऋणात्मक देखिएको हो ।
कम्पनीको प्रतिसेयर आम्दानी २८ रुपैयाँ ६९ पैसा ऋणात्मक रहेको छ भने प्रतिसेयर नेटवर्थ ९४ रुपैयाँ १० पैसा रहेको छ ।
वि.सं.२०७८ कात्तिक २४ बुधवार १२:१६ मा प्रकाशित
