काठमाडौं । साताको अन्तिम कारोबार सानिमा लाइफ र यूनियन लाइफ इन्स्योरेन्स कम्पनीको सेयर मूल्यमा गिरावट आएको छ ।
उक्त दिन सानिमा लाइफको सेयर मूल्य २.५० प्रतिशत र यूनियन लाइफ १.५९ प्रतिशतले घटेको छ ।उक्त दिन कम्पनीको सेयर मूल्य प्रतिकित्ता १३ रुपैयाँ ६० पैसाले घटेको हो ।
योसंगै कम्पनीको सेयर मूल्य ५२९ रुपैयाँ ५० पैसा कायम भएको छ । नेपाल स्टक एक्सचेञ्ज(नेप्से)का अनुसार आज कम्पनीको ५६ लाख १९ हजार रुपैयाँ बराबरको १० हजार ६६० कित्ता सेयर किनबेच भएको छ ।
यस्तै, यूनियन लाइफको सेयर मूल्य १.५९ प्रतिशतले घटेको छ । आज कम्पनीको सेयर मूल्य प्रतिकित्ता १० रुपैयाँले घटेको हो । योसंगै कम्पनीको सेयर आज ६१८ रुपैयाँ कायम भएको छ ।
नेप्सेका अनुसार आज कम्पनीको १ करोड २१ लाख ४३ हजार रुपैयाँ बराबरको सेयर कारोबार भएको छ । कम्पनीको आज १९ हजार ५५४ कित्ता सेयर किनबेच भएको हो ।
वि.सं.२०७८ कात्तिक २५ बिहीवार १५:५९ मा प्रकाशित
