काठमाडौं । चालु आर्थिक वर्ष २०७८/७९ को पहिलो त्रैमासमा जीवन विकास लघुवित्त वित्तीय संस्थाले साढे १७ करोड बढी नाफा कमाएको छ ।
मंगलबार कम्पनीले सार्वजनिक गरेको वित्तीय विवरण अनुसार चालु आवको असोज मसान्तमा १७ करोड ६६ लाख ९ हजार रुपैयाँ नाफा कमाएको छ ।
जुन गत वर्षको सोही अवधिको तुलनामा ३६ प्रतिशतले बढी हो । गत वर्षको पहिलो त्रैमासमा कम्पनीले १३ करोड ४ लाख ४६ हजार रुपैयाँ नाफा कमाएको थियो ।
उक्त अवधिमा कम्पनीले संचालन नाफा पनि सुधारेको देखिएको छ । गत वर्षको असोज मसान्तमा ३ करोड ९६ लाख ८३ हजार रुपैयाँ ऋणात्मक रहेको संचालन नाफा यस वर्षको सोही अवधिमा भने १५ करोड ८३ लाख १४ हजार रुपैयाँ धनात्मक देखिएको छ ।
कम्पनीको चुक्ता पुँजी ६० करोड ८४ लाख रुपैया रहेको छ । कम्पनीको जगेडा तथा काषमा भने १ अर्ब ४९ करोड ७१लाख ५७ हजार रुपैयाँ राखेको छ ।
उक्त अवधिमा कम्पनीले ८ अर्ब ३७ करोड २५ लाख रुपैयाँ निक्षेप संकलन गरि २१ अर्ब ६० करोड ४१ लाख रुपैयाँ कर्जा प्रवाह गरेको छ ।
उक्त अवधिमा कम्पनीको खराज कर्जा पनि झिनो वृद्धि भएको देखिएको छ । गत वर्षको असोज मसान्तमा ०.६१ प्रतिशत रहेको खराब कर्जा यस वर्षको सोही अवधिमा भने ०.६८ प्रतिशत पुगेको छ ।
कम्पनीको प्रतिसेयर आम्दानी ११६ रुपैयाँ ११ पैसा र प्रतिसेयर नेटवर्थ ३७१ रुपैयाँ ७७ पैसा रहेको छ ।
वि.सं.२०७८ कात्तिक ३० मंगलवार १३:०९ मा प्रकाशित
