काठमाडौं । उर्जा डेभलपर्सको सम्बद्ध संस्था एसियन हाइड्रोपावरद्वारा ईलाम जिल्लामा निर्माण सम्पन्न ६.२ मेगावाट क्षमताको तल्लो जोगमाई खोला जलविद्युत आयोजनाले २०७८ कार्तिक १५ गते देखि व्यापारिक उत्पादन शुरु गरेको छ।
विद्युत खरीद बिक्री सम्झौता (पीपीए) बमोजिम नेपाल विद्युत प्राधिकरणको प्रतिनिधिको रोहवरमा विभिन्न चरणको परीक्षणका कार्यहरु सम्पन्न गर्नु का साथै १५ दिनको परीक्षण उत्पादन समेत सफलतापूर्वक सम्पन्न गरे पश्चात आयोजनाले नेपाल विद्युत प्राधिकरणबाट स्वीकृति प्राप्त गरी व्यापारिक उत्पादन आरम्भ गरेको हो।
व्यापारिक उत्पादन शुरु भए सँगै तल्लो जोगमाई खोला जलविद्युत आयोजनाले वार्षिक ३५.९२
मेगावाट विद्युतीय उर्जा राष्ट्रिय प्रणालीमा थप योगदान गर्नेछ।साथै, एसियन हाइड्रोपावरले आयोजना प्रभावित स्थानीयवासी र सर्वसाधारणका लागि साधारण शेयर (आइपीओ) निष्काशन गर्ने अन्तिम चरणको तयारी समेत गरिरहेको छ।
उर्जा डेभलपर्सकै सम्बद्ध संस्था सामलिङ्ग पावर कम्पनीद्वारा इलाम जिल्लामा निर्माण सम्पन्न ९.५१मे.वा क्षमताको माइबेनी आयोजनाले यस अघि २०७८ आश्विन १ गते देखि व्यापारिक उत्पादन शुरु गर्नुका साथै आइपीओ निष्काशन तथा बाँडफाँटको कार्य समेत सम्पन्न गरिसकेको छ।
वि.सं.२०७८ मंसिर ३ शुक्रवार १५:३३ मा प्रकाशित
