काठमाडौं । संचालनमा रहेकामध्ये दुई दर्जन बढी माइक्रोफाइनान्स कम्पनीहरुले लाभांश घोषणा गरेका छन् ।
हालसम्म २७ माइक्रोफाइनान्स कम्पनीहरुले गत आर्थिक वर्ष २०७७/७८ मुनाफाबाट सेयरधनीहरुलाई बोनस र नगद लाभांश घोषणा गरेका छन् ।
जसमध्ये सबैभन्दा बढी महिला लघुवित्त वित्तीय संस्थाको रहेको छ । कम्पनीले गत आव २०७७/७८ को मुनाफबाट चुक्ता पुँजीको ४७.५० प्रतिशत बोनस सेयर र कर प्रयोजनका लािग २.५० प्रतिशत नगद गरि कुल ५० प्रतिशत लाभांश दिने भएको छ ।
उक्त लाभांश पारितका लागि कम्पनीले मंसिर २२ गते साधारणसभा बोलाएको छ । साधारणसभा तथा लाभांश वितरण प्रयोजनका लागि कम्पनीले मंसिर १६ गते एक दिन बुक क्लोज गर्ने भएको छ ।
यस्तै, सेयरधनीहरुलाई धेरै लाभांश दिने कम्पनीको दोस्रो स्थानमा स्वाभिमान लघुवित्त वित्तीइ संस्था रहेको छ । कम्पनीले गत आवको मुनाफबाट सेयरधनीहरुलाई ३४ प्रतिशत लाभांश दिने घोषणा गरेको हो ।
सबैको लघुवित्त वित्तीय संस्थाले गत आवको मुनाफबाट सेयरधनीलाई ३२.६८ प्रतिशत लाभांश दिने भएको हो । जसमध्ये ३१.०५ प्रतिशत बोनस सेयर र कर प्रयोजनका लागि १.६३ प्रतिशत नगद लाभांश दिने भएको छ ।
यता सर्पोट लघुवित्तले ३१.५८ प्रतिशत लाभांश दिने भएको छ । कम्पनीले ३० प्रतिशत बोनस र कर प्रयोजनका लागि १.५८ प्रतिशत नगद लाभांश दिने भएको छ ।
गत आवको मुनाफबाट सबैभन्दा कम एनआईसी एशिया लघुवित्त वित्तीय संस्थाको देखिएको छ । कम्पनीले सेयरधनीहरुलाई ५.४१ नगद लाभांश मात्र दिने भएको हो ।
गत आवको मुनाफबाट सेयरधनीहरुलाई ग्लोबल आइएमई लघुवित्तले २८ प्रतिशत बोनस सेयर, लक्ष्मी लघुवित्त २७.३७ प्रतिशत, साधना लघुवित्तले २६.३२, आशा लघुवित्तले २५ प्रतिशत बोनस र १.३२ नगद गरि कुल २६.३२ प्रतिशत र माहुली लघुवित्तले २६ प्रतिशत बोनस सेयर दिने भएको छ ।
यस्तै, स्वालम्वन लघुवित्तले १९ प्रतिशत बोनस सेयर र ६ प्रतिशत नगद गरि कुल २५ प्रतिशत, स्वोरोजगार लघुवित्तले २५ प्रतिशत बोनस, समता घरेलु लघुवित्तले २० प्रतिशत बोनस र ५ प्रतिशत नगद लाभांश दिने भएको छ ।
गत आवको मुनाफबाट एनएमबि लघुवित्तले २२.६३ प्रतिशत, नेरुडे लघुवित्तले २२.६२, डिप्रोक्स लघुवित्त, मेरो माइक्रोफाइनान्स र नाडेप लघुवित्तले क्रमशः २१.०५÷२१.०५ प्रतिशत लाभांश दिने भएका हुन् ।
यस्तै, सिभिल लघुवित्तले २० प्रतिशत, गणपति लघुवित्तले २० प्रतिशत, मिर्मिरे माइक्रोफाइनान्सले २०, सूर्योदय लघुवित्तले २०, वोमी लघुवित्तले २० प्रतिशत लाभांश दिने भएको छ ।
प्रस्तावित लाभांश राष्ट्र बैंकबाट स्वीकृत भई कम्पनीहरुको आगामी वार्षिक साधारणसभाबाट पारित भएपश्चात वितरण हुनेछ ।
अन्य कुनको कति ?
वि.सं.२०७८ मंसिर ६ सोमवार १७:५३ मा प्रकाशित
