काठमाडौं । नबिल स्कुल अफ सोसल इन्टरप्रेनरसिप कार्यक्रम शुक्रबारदेखि सुरु भएको छ । नबिल बैंकले त्रिभुवन विश्वविद्यालयको व्यवस्थापन संकाय स्कुल अफ म्यानेजमेन्टसँग यो कार्यक्रमको सम्झौता गरेर सुरुवात गरेको हो ।
सो कार्यक्रमममा दुईवटा स्कीम रहेको छ । पहिलो सामाजिक उद्यमशीलता प्रमाणपत्र र अर्को फेलोशिप कार्यक्रम । पहिलो कार्यक्रमको लागि देशभरका सातवटै प्रदेशको एक एक वटा क्याम्पससँग नबिले बैंकले सम्झौता गरिसकेको छ ।
कलेजबाट सामाजिक उद्यमशीलता सम्बन्धी कक्षा दिइने छ । जसबाट प्रत्येक बर्ष ७०० विद्यार्थीहरु सामाजिक उद्यमी बन्ने लक्ष्य राखेको नविल बैंकका प्रमूख कार्यकारी अधिकृत अनिलकेशरी शाहले जानकारी दिए ।
‘यस कार्यक्रम गर्नुको मुख्य उदेश्य नै प्रत्येक बर्ष ७ सय नेपाली युवाले सामाजिक उद्यामको प्रमाणपत्र पाउनेछन् भने फेलोसिप कार्यक्रम भने आवासीय तालिम हो,’ सिइओ शाहले भने ।
त्यस्तै बैंकले प्रदान गरेको दुवै कार्यक्रम सकेपछि सामाजिक उद्यमको मोडलमा विजनेश गर्नका लागि नविलले ऋण दिने व्यवस्था गरेको छ । यो कार्यक्रममा १८ देखि ५० बर्षभित्रका मानिसहरु सहभागि हुन सक्नेछन् ।
बैंकका अनुसार तालिम अविधभर आवाज तथा खानाको व्यवस्था हुने पनि जनाएको छ । बैंकले प्रदेश १ मा महेन्द्र मोरङ क्याम्पस, प्रदेश २ मा वीरगंज पब्लिक कलेज, वागमती प्रदेशमा क्याम्पियन कलेज, गण्डकीमा पोखरा विश्वविद्यालय, कर्णालीमा सुर्खेत मोडल कलेज र सुदूर पश्चिमको सुदूर पश्चिमाञ्चल एकेडेमीसँग सो कार्यक्रमको लागि सम्झौता गरिसकेको छ ।
कार्यक्रममा बैंकका अध्यक्ष उपेन्द्र पौडेल, उपाध्यक्ष निर्वाणकुमार चौधरीसँगै डेपुटी सीइओलगायत उच्च व्यवस्थापनका पदाधिकारीहरुको पनि उपस्थिति थियो।
वि.सं.२०७८ मंसिर १० शुक्रवार १६:२८ मा प्रकाशित
