काठमाडौ । पूँजीबजार सुदृढीकरण बृहत कार्यदलका पदाधिकारीहरुले मंगलबार अर्थमन्त्री जनार्दन शर्मालाई भेटेर धितोपत्र बोर्ड र नेपाल स्टक एक्सचेन्जको प्रमुख नियुक्ति गर्नुपर्ने सेयर धितो कर्जा लगायतका विषयमा माग राखेको छ ।
उनीहरुले अर्थमन्त्री शर्मासँग पहिले लगानीकर्ताहरुले बुझाएको ५८ बुँदेका बाँकी कामहरु र तत्काल गर्नु पर्ने सुधारका कार्यहरुको बारेमा सकारात्मक छलफल गरेको पूँजी बजार सुदृढीकरण बृहत कार्यदलका संयोजक अम्बिका प्रसाद पौडेलले जानकारी दिए ।
सो भेटमा अर्थमन्त्री शर्माले पूँजीबजारको दिगो बिकास र बिस्तारको लागि लागिरहेको र कार्यदलले उठाएका मागहरु धितोपत्र बोर्ड र नेप्सेका प्रमुखको नियुक्तिसँगै पुरा गरिने पनि विश्वास दिलाए ।
वि.सं.२०७८ मंसिर २८ मंगलवार १६:१५ मा प्रकाशित
