काठमाडौं । पुस महिनाको पहिलो कारोबार दिन सुनको मूल्य वृद्धि भएको छ । उक्त दिन नेपाली बजारमा छापावाला सुनको मूल्य प्रतितोला ७ सय रुपैयाँले वृद्धि भएको हो ।
अघिल्लो दिन अर्थात मंसिर मसान्तमा ९२ हजार ३ सय रुपैयाँमा कारोबार भएको सुन आज बढेर ९३ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य ९२ हजार ५ सय रुपैयाँ कायम भएको छ । अघिल्लो दिन भने तेजावी सुन ९१ हजार ८ सय रुपैयाँमा कारोबार भएको थियो ।
यस्तै, साताको पाँचौ कारोबार दिन चाँदीको मूल्य पनि वृद्धि भएको छ । उक्त दिन चाँदी प्रतितोला २५ रुपैयाँले वृद्धि भएको हो । चाँदी बुधबार १ हजार २१० रुपैयाँमा खरिदबिक्री भएको थियो ।
वि.सं.२०७८ पुस १ बिहीवार ११:०५ मा प्रकाशित
