काठमाडौं । नेपाल क्रेडिट एण्ड कमर्स(एनसीसी) बैंकले वार्षिक साधारण सभाका लागि मिति तय गरेको छ ।
बैंकको पुस २ गते बसेको संचालक समितिको बैठकले आउँदो पुस २९ गते सभा गर्ने निर्णय गरेको हो । सभामा लाभांश पारित गर्ने मुख्य एजेण्डा रहेको छ ।
बैंकले गत आर्थिक वर्ष २०७७/७८ को मुनाफाबाट सेयरधनीहरुलाई ८ प्रतिशत बोनस सेयर र कर प्रयोजनका लागि ०.४२ प्रतिशत नगद लाभांश दिने प्रस्ताव गरेको छ ।
सभामाले संचालक समितिको चौवीसौं वार्षिक प्रतिवेदन, गत आवको लेखापरीक्षकको प्रतिवेदन वासलात, नाफा नोक्सान हिसाव र सोही अवधिको नगद प्रवाह विवरण लगायत संलग्न अनुसूचीहरु समेतको एकीकृत वित्तीय विवरण पारित गर्नेछ ।
सभाले आर्थिक वर्ष २०७८/७९ को लेखापरीक्षण कार्यका लागि लेखापरीक्षक नियुक्ति र निजको पारिश्रमिक निर्धारण गर्नेछ ।
यस्तै, सभाले बैंकको प्रबन्धपत्रमा भएका संशोधन सम्वन्धी विशेष प्रस्तावहरु सम्वन्धित नियामक, निकायबाट स्वीकृति लिने क्रममा उक्त निकायहरुको निर्देशन अनुसार फेरबदल, परिमार्जन, थपघट गर्नु परेमा सो कार्यका लागि संचालक समितिलाई अख्तियारी प्रदान गर्नेछ ।
साधारण सभा प्रयोजनका लागि बैंकले पुस १२ गते एक दिन बुक क्लोज गर्ने भएको छ ।
वि.सं.२०७८ पुस ४ आइतवार ११:३५ मा प्रकाशित