काठमाडौं । राष्ट्रिय बीमा कम्पनीको सिईओका लागि परेको आवेदनबाट कम्पनीले पाँच जना छनोट गरेको छ । सिईओका लागि आवेदन दिएका मध्ये कम्पनीले पाँच जनाको नाम प्रकाशन गरेको हो ।
यही पुस ९ गते बसेको पदपूर्ति सिफारिस उपसमितिको बैठकले तोयराज अधिकारी, बुद्धकाजी श्रेष्ठ, राम बहादुर खड्का, सुरेन्द्र थापा र शेयर बरालको नाम सार्वजनीक गरेको हो ।
सिईओका लागि बरिस्मा साउद आचार्य, सुकल्याण पराजुली, सुरेन्द्र थापा, बुद्ध बाजि श्रेष्ठ, शेरजग कार्की, तोय राज अधिकारी, कृष्ण बहादुर कार्की, रमेश लम्साल, मनोज सिंह भण्डारी शेखर बराल, र राम बहादुर खड्काले आवेदन दिएका थिए ।
त्यस्तैगरी सुरेन्द्र थापा, राम बहादुर खड्का, शेखर बराल र सुकल्याण पराजुलीले सिईओमा दाबी गरेका थिए ।
सर्टलिष्टमा परेका तोयराज अधिकारी बेष्ट फाइनान्स पूर्व सिईओ हुन् । दोस्रो नम्ववरमा नाम रहेका बृद्धकाजी श्रेष्ठ युनाईटेड इन्स्योरेन्स कम्पनीमा चौधरी ग्रुपको तर्फबाट सञ्चालक थिए ।
तेस्रो नम्वरमा रहेका खड्का राष्ट्रिय बीमा संस्थानका पूर्व प्रशासक हुन् । उनैका पालामा राष्ट्रिय बीमा कम्पनीको स्थापना भएको थियो । चौथो नम्वरमा रहेको सुरेन्द्र थापा हाल अजोड इन्स्योरेन्स कम्पनीमा डेपुटी सिईओ हुन् ।
त्यसैगरी पाँचौं नम्वरमा रहेका शेखर बराल युनाईटेड इन्स्योरेन्स कम्पनीका पूर्व सिईओ हुन् ।
सर्टलिष्टमा परेकाहरुलाई अर्र्को सूचनामार्फत व्यवसायिक कार्ययोजना प्रस्तुतिकरण र अन्र्तवार्ताको लागि बोलाइने कम्पनीले जनाएको छ ।
वि.सं.२०७८ पुस ११ आइतवार १३:२६ मा प्रकाशित