काठमाडौं । नेशनल लाइफ इन्स्योरेन्स कम्पनी लिमिटेडको केही हिस्सा संस्थापक शेयर लिलामी बिक्रि गर्न लागेको छ । कम्पनीले संस्थापक समूह तर्फको ७५ हजार कित्ता शेयर लिलामीमा बिक्रि गर्न लागेको हो ।
कम्पनीले गणेश प्रोपर्टिज एण्ड डेभलपमेन्ट प्रा.लिको नाममा रहेको उक्त शेयर विद्यमान संस्थापक शेयरधनीहरुले मात्र खरिद गर्ने पाउने गरी लिलामीमा ल्याएको हो ।
उक्त शेयर खरिद गर्ने चाहने इच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिन भित्र कम्पनीको केन्द्रिय कार्यालय लाजिम्पाट काठमाडौंमा आवेदन दिन सक्नेछन् ।
साथैं, तोकिएको अवधि भित्र कुनै पनि आवेदन नपरेको खण्डमा उक्त शेयर अन्य ब्यक्ति तथा संघ संस्थालाई बिक्री प्रक्रिया अगाडि बढाउने कम्पनीले जनाएको छ ।
वि.सं.२०७८ पुस १८ आइतवार ११:४२ मा प्रकाशित
