काठमाडौं । नेपाल स्टक एक्सेचञ्ज(नेप्से)ले बुधवार विभिन्न चार कम्पनीको बोनस सेयर र एक जलविद्युत कम्पनीको हकप्रद सेयरको मूल्य समायोजन गरेको छ ।
उक्त दिन नेप्सेले जनउत्थान सामूदायिक लघुवित्त वित्तीय संस्था, कालिका लघुवित्त वित्तीय संस्था, मल्टीपर्पस फाइनास, पोखरा फाइनान्सको बोनस सेयर र छयाङ्दी हाइड्रोपावरको हकप्रद सेयरको मूल्य समायोजन गरेको हो ।
नेप्सेले जनउत्थान लघुवित्तको २५ प्रतिशत बोनस सेयरको मूल्य समायोनपछि २ हजार ३८३ रुपैयाँ २० पैसा कायम गरेको छ। कम्पनीको अघिल्लो कारोबार दिन अर्थात मंगलबार कायम अन्तिम सेयर मूल्य २ हजार ९७९ रुपैयाँको आधारमा समायोजन भएको हो ।
नेप्सेले कालिका लघुवित्तको १३ प्रतिशत बोनस सेयरको मूल्य समायोजनपश्चात कम्पनीको सेयर मूल्य हजार १६३ रुपैयाँ ७२ पैसा तोकेको छ । नेप्सेले कम्पनीको सेयर मूल्य अघिल्लो कारोबार दिन कायम अन्तिम सेयर मूल्यको आधारमा समायोजन गरेको हो। मंगलबार कम्पनीको अन्तिम सेयर मूल्य १ हजार ३१५ रुपैयाँ थियो ।
यस्तै, नेप्सेले मल्टीपर्पस फाइनान्स कम्पनीको १३ प्रतिशत बोनस सेयरको मूल्य समोजनपछि ४१६ रुपैयाँ ८१ पैसा निर्धारण गरेको छ । कम्पनीको अघिल्लो कारोबार दिन अर्थात मंगलबार कायम अन्तिम सेयर मूल्य ४७१ रुपैयाँको आधारमा समायोजन गरेको हो ।
त्यसैगरि नेप्सेले पोखरा फाइनान्स ८.०७५ प्रतिशत बोनस सेयरको मूल्य समायोजनपछि ४४० रुपैयाँ ४३ पैसा कायम गरेको छ । नेप्सेले कम्पनीको अघिल्लो कारोबार दिन कायम अन्तिम सेयर मूल्य ४७६ रुपैयाँको आधारमा समायोजन गरेको हो ।
नेप्सेले छयाङ्दी हाइड्रोपावरको ३० प्रतिशत हकप्रद सेयरको मूल्य समायोजनपछि ३९६ रुपैयाँ १५ पैसा तोेकेको छ । मंगलबार कम्पनीको कायम अन्तिम सेयर मूल्य ४८५ रुपैयाँ रहेको छ । नेप्सले यसकै आधारमा मूल्य समायोजन गरेको हो ।
वि.सं.२०७८ पुस २१ बुधवार ०८:५० मा प्रकाशित
