काठमाडौं । मेगा बैंकले संस्थापक सेयर बिक्री गर्ने भएको छ ।
एक सूचना निकाल्दै बैैंकले संस्थापक सेयरधनीहरुको नाममा रहेको ५० हजार ७६६ कित्ता संस्थापक सेयर बिक्रीमा ल्याएको जनाएको हो ।
उक्त सेयर खरिद गर्ने इच्छुक विद्यमान संस्थापक सेयरधनीहरुले आवेदन दिनुपर्नेछ । सेयर खरिदका लागि आवश्यक कागजात संकलन गरी आजैका मितिले ३५ दिन भित्र बैंकको केन्द्रिय कार्यालय कमलादी, काठमाडौंमा आवेदन पेश गर्ने सकिनेछ ।
तोकिएको अवधि भित्र कुनै पनि आवेदन नपरेको खण्डमा प्रचलित कानून बमोजिम अन्य व्यक्ति,संघ/संस्थालाई बिक्री प्रक्रिया अगाडि बढाउने सूचना उल्लेख छ ।
वि.सं.२०७८ माघ १२ बुधवार १४:१४ मा प्रकाशित
