काठमाडौँ । मंगलबार(आज) सेयर बजार मापक नेप्से दोहोरो अंकले बढेर बन्द भएको छ । यो दिन नेप्से परिसूचक १९.२६ अंकले बढेर २८९१.३० बिन्दूमा कायम भएको हो ।
बजार बढेसँगै कारोबार रकममा पनि वृद्धि भएको छ । अघिल्लो दिन ५ अर्ब १५ करोड ४१ लाख ७७ हजार बराबरको कारोबार भएकोमा यो दिन बढेर ६ अर्ब ५७ करोड ४८ लाख ४२ हजार बराबरको कारोबार भएको हो ।
यो दिन कारोबारमा आएका २२३ स्क्रिप्टको ८० हजार ८ सय २९ पटक कारोबार हुँदा १ करोड २१ लाख ६७ हजार ६ सय पाँच कित्ता सेयर किनबेच भएको हो ।
यस्तै यो दिन ठूला कम्पनीहरुको कारोबार मापन गर्ने सेन्सेटिभ इन्डेक्स ३.९८ अंकले बढेको छ ।
यता होटल एण्ड टुरीजम, लाईफ इन्स्योरेन्स, उत्पादन तथा प्रशोधन र टेन्ड्रीङ इन्डेक्स समूह घटेका छन् भने अन्य समूहको समूहगत सेयर बढेको छ ।
वि.सं.२०७८ माघ १८ मंगलवार १५:२१ मा प्रकाशित
