काठमाडौं । तीन क्यासिनो संचालक कम्पनीहरुले रोयल्टी तथा नवीकरण वापतको बाँकी वक्यौता रकम बुझाएका छैन ।
रक इन्टरनेशनल प्रा.लि., ह्याप्पी आवर र सेन्ट्रल मिडिया प्रा.लि.ले आर्थिक वर्ष २०७६/७७ सम्मको रोयल्टी तथा नवीकरण वापतको ४६ करोड ४० लाख ३२ हजार रुपैयाँ बढी बाँकी वक्यौता रकम नबुझाएका हुन् ।
जसमध्ये रक इन्टरनेशनलको ११ करोड ४५ लाख ८२ हजार ८४८ रुपैयाँ, ह्याप्पी आवरको २१ करोड ५५ लाख र सेन्ट्रल मिडियाको १३ करोड ३९ लाख ५० हजार रुपैयाँ बाँकी रहेको छ ।
बुधवार एक सूचना निकाल्दै संस्कृति, पर्यटन तथा नागरिक उड्डयन मन्त्रालयले उक्त क्यासिनो संचालक कम्पनीलाई तिर्न बाँकी रकम बुझाउनका लागि तोकता गरेको छ ।
तीन क्यासिनो संचालहरुलाई रोयल्टी नविकरण तथ अन्य रकम दाखिला गर्न गत कात्तिक ७ गते ३५ दिने सूचना र पुस २७ गते १५ दिने म्याद तोकि पत्राचार गर्दा पनि हालसम्म बाँकी वक्यौता दाखिला नगरेकाले तोकेता गरेको हो ।
अब क्यासिनो संचालकहरुले ७ दिनभित्र बाँकी रहेको वक्यौता रकम बुझाउनका लागि मन्त्रालयले अनुरोध गरेको छ ।
तोकिएको उक्त म्यादभित्र दरकम दाखिला नगर्ने कम्पनीहरुलाई प्रचलित कानून बमोजिम कारबाही हुने मन्त्रालयले जनाएको छ ।
वि.सं.२०७८ माघ १९ बुधवार १३:४० मा प्रकाशित
