काठमाडौं । केटीएम नेपालले दुई नयाँ मोटरसाइकल खरिदमा आकर्षक छुटको सुविधा दिएको छ ।
कम्पनीले नेपाली बजारमा उपलब्ध दुई मोटरसाइकलमा बम्पर छुटको व्यवस्था गरेको हो । कम्पनीले केटीएम २०० ड्युकमा ४० हजार र २५० ड्युकमा २० हजार छुट दिएको हो ।
नेपालका लागि आधिकारिक वितरक हंसराज हुलासचन्द एण्ड कम्पनीले नेपालमा केटीएम मोटरसाइकल बिक्री प्रारम्भ भएको १० वर्ष पुगेको अवसरमा उक्त सुविधा दिएको हो ।
कम्पनीले केटीएम २०० ड्युकको नयाँ मूल्य ५ लाख ४४ हजार ९ सय रुपैयाँ र केटीएम २५० ड्युकको नयाँ मूल्य ७ लाख ४ हजार ९ सय रुपैयाँ निर्धारण गरेको छ ।
यसअघि केटीएम २०० ड्युकक ५ लाख ८४ हजार ९ सय रुपैयाँ र केटीएम २५० ड्युकको ७ लाख २४ हजार ९ सय रुपैयाँ थियो ।
वि.सं.२०७८ माघ १९ बुधवार १५:४९ मा प्रकाशित
