काठमाडौँ । बीमा समितिले रिस्क वेस क्यापिटल सम्बन्धी प्रारम्भिक निर्देशिका जारी गरेको छ ।
आगामी आर्थिक वर्षदेखि नै सुरु भई चार वर्ष भित्रमा अनिवार्य गर्नेगरी बीमा समितिले आरबीसी निर्देशिका जारी गरेको हो ।
जारी निर्देशिका अनुसार नियामक निकाय बीमा समितिले बीमा कम्पनीहरुमा उक्त प्रारम्भिक निर्देशिका पठाईसकेको छ ।
समितिले बीमा कम्पनीहरुलाई यस निर्देशिकाको फेमवर्कमा रहेर आगामी आर्थिक वर्ष (आ.व २०८०–८१) देखि चरमबद्ध काम गर्ने निर्देशन दिएको छ ।
कम्पनीहरुले रिस्क वेस क्यापिटल सम्बन्धी पारम्भिक निर्देशनमा रही आर्थिक वर्ष ०८०–८१ को अन्त्यसम्म जोखिममा आधारित पूँजी र उपलब्ध पूँजीगत श्रोतको पहिचान गरी चार वर्षभित्रमा यो अवधारणा पूर्ण कार्यान्वयनमा ल्याउनुपर्नेछ ।
रिक्स वेक्स क्यापिटलको फेर्मवकको प्रकृया लामो हुने भएको कारण यसलाई नै अन्तिम मस्यौदाको रुपमा भने लिईने छैन । आवश्यकता अनुसार कुन फेमर्वकमा जाने भन्ने बिषयमा बीमा समितिले जारी गरेको निर्देशन परिमार्जन हुँदै जानेछ ।
अबको ६ महिनाभित्र हरेक बीमा कम्पनीले आफ्नो संस्थागत विशेषता, कार्यक्रम, विधि, तथ्यांक भण्डारण तथा विश्लेषणको अध्ययन गरेर कार्यन्वयनका लागि देखा पर्ने समस्याहरुसहितको प्रतिवेदन संचालक समितिले अनुमोदन गरी बीमा समितिमा पठाउनु पर्ने छ । संचालक समितिले यो प्रतिवेदन पारित गरेको एक हप्ताभित्रमा बीमा समितिमा पठाउनुपर्ने छ ।
ती समस्याहरुमाथि बीमा समितिले पुर्नविचार गरि सहजिकरण गर्दै अन्तिम मस्यौदा तयार गर्ने छ ।
यसरी बीमा समितिले कम्पनीको कार्ययोजना स्वीकृत गरेपछि १८ महिनाभित्र पूर्णरुपमा यो कार्ययोजना कार्यान्वयनमा ल्याउनुपर्ने छ ।
आरबीसी निधारित भन्दा कम भएको अवस्थामा वा सोल्भेन्सी अनुपात बीमा समितिले निर्दिष्ट गरेको मापदण्डभन्दा कम भएमा बीमकले आगामी चार वर्षभित्र यसलाई सुधार गर्नुपर्ने छ ।
यसका लागि समितिले कम्पनीका प्रमुख कार्यकारी अधिकृतहरु र कम्पनीका वित्त विभागका कर्मचारीहरुसँग यसको विषयमा छलफल गरिसकेको छ । नेपाली बीमा कम्पनीहरुमा जोखिममा आधारित पुँजि निर्माण गरेर अघि बढाउने बिषयमा बीमा समितिका एक्चुरी पे्रक्षा माथेमासँग छलफल पश्चात् उक्त निर्देशिका बीमा कम्पनीहरुमा पठाइएको हो ।
साथै केही समय अघि विश्व बैंकले आयोजना गरेको छलफल कार्यक्रममा नेपालमा जीवन बीमक संघ र नेपाल बीमक संघका अध्यक्षले यो व्यवस्थाको कार्यान्वयनका लागि आफुहरु तयार रहेको जानकारी गराएका थिए ।
वर्तमान अवस्थमा नेपालका बीमा कम्पनीहरुको चुक्ता पूँजी नियामक निकायले तोकेको अनुसार नै छ । तर, उनीहरूले लिएको जोखिम भने चुक्ता पुजिँको कैयौं गुणा बढी छ ।
पछिल्लो समय कम्पनीहरूबीच व्यावसाय पढाउने होड अस्वस्थ प्रतिस्पर्धा जस्तै छ भन्दा पनि फरक पर्दैन । यसले गर्दा भोलीका दिनमा कम्पनीहरूको पूँजीले दायित्व वहन गर्न नसक्ने अवस्था नआउला भन्न सकिदैन ।
त्यसैले सम्भावित जोखिमलाई दृष्टिगत गर्दै समितिले जोखिममा आधारित पूँजी निर्माणमा अगाडि बढेको हो । यो बाहिरी मुलुकहरुमा कार्यान्वयनमा पनि आईसकेको र यसको प्रभाव बिमा कम्पनीहरुका लागि मेरुदण्ड बनेको छ ।
वि.सं.२०७८ माघ २० बिहीवार १२:३१ मा प्रकाशित