काठमाडौ । राजस्व अनुसन्धान विभागले ४ जना विरुद्ध ३६ करोड ५५ लाख ६७ हजार ५०४ रुपैयाँ सजाय माग दावी सहित उच्च अदालत पाटनमा मुद्धा दायर गरेको छ । विभागले गत बुधबार दुई कम्पनीका ४ जना संचालक विरुद्ध राजस्व चुहावट गरेको भन्दै मुद्धा दायर गरेको हो ।
विभागका अनुसार व्रिड मिडिया डिस्ट्रिव्युसन प्रालिका चन्द्रबहादुर अधिकारी, सुरेन्द्र क्षत्री र सुमन क्षत्री साथै स्टार इन्डिया प्रा।लिका भारतका आधिकारिक विक्रेता जुपिटर मिडिया प्रलिकी संचालक अन्जली अरोरा विरुद्ध राजस्व चुहावटको कसुरमा मुद्धा दायर गरेको हो ।
ति दुवै कम्पनीले आयकर र भ्याट छलेको विभागको दावी रहेको छ । विभागले ति दुवै कम्पनीसँग ६ करोड ११ लाख ५५ हजार ५१८ लाभांस कर र १२ करोड १६ लाख २८ हजार २३७ रुपैयाँ बराबरको आयकर गरी १८ करोड २७ लाख ८३ हजार ७५२ रुपैयाँ बराबरको राजस्व चुहावट गरेको दावी गरेको छ ।
विभागले सोही बमोजिमको सजाय माग हुनेगरी अदालतमा मुद्धा दायर गरेको पनि जनाएको छ ।
वि.सं.२०७८ माघ २१ शुक्रवार १४:३४ मा प्रकाशित
