काठमडौं । नेपाल राष्ट्र बैंकले अवकाश कोष अन्तर्गतको कर्मचारी सुरक्षण कोषको रकम लगानी गर्ने भएको छ । राष्ट्र बैंकले २१ करोड रुपैयाँ रकम बैंक तथा वित्तीय संस्थामा लगानी गर्न लागेको हो ।
केन्द्रीय बैंकले वाणिज्य बैंकमा १६ करोड ८० लाख, राष्ट्रिय स्तरका विकास बैंकमा ३ करोड १५ लाख र राष्ट्रिय स्तरका वित्त कम्पनीहरुमा १ करोड ५ लाख रुपैयाँ लगानी गर्ने भएको हो ।
उक्त लगानी रकम आउँदो फागुन ४ गतेदेखि २०७९ फागुन ४ गतेसम्म ३६६ दिनका लागि मुद्दति निक्षेपमा हुने बैंकले सूचना मार्फत जानकारी गराएको छ ।
बैंकले मुद्दति निक्षेपका रुपमा राख्न चाहने रकम खुलाई राष्ट्र बैंकमा ब्याजदर प्रस्ताव पेस गर्न आह्वान गरेको छ । बैंक तथा वित्तीय संस्थाले माघ २४ गते ३ बजेभित्र राष्ट्र बैंकमा इमेलमार्फत ब्याजदर प्रस्ताव पेश गर्न सक्नेछन् ।
विस्तृतका लागि हेर्नुहोस्, सूचना
वि.सं.२०७८ माघ २१ शुक्रवार १४:४७ मा प्रकाशित