काठमाडौं । नेपाल राष्ट्र बैंकले ९ अर्ब ५० करोड रुपैयाँ बराबरको विकास ऋणपत्र बोलकबोलमार्फत बिक्री गर्ने भएको छ ।
एक सूचना निकाल्दै राष्ट्र बैंकले मंगलबार बोलकबोल प्रक्रियामार्फत ‘विकास ऋणपत्र २०८० ‘च’ बिक्री गर्न लागेको जनाएको हो ।
ऋणपत्रको ब्याजदर पनि बोलकबोलमार्फत निर्धारण हुनेछ । उक्त ऋणपत्रमा मङ्गलबार अपराह्न ३ बजे बोलकबोल हुने सूचनामा उल्लेख छ ।
उक्त ऋणपत्र २०८० माघ २६ गते परिपक्क हुनेछ भने ब्याज भुक्तानी अर्धवार्षिक रुपमा हुने र आर्जित ब्याजमा ब्याजकर लाग्नेछ ।
उक्त ऋणपत्रमा बैंक तथा वित्तीय संस्था, गैर बैंक वित्तीय संस्था, बीमा कम्पनी, सङ्गठित संस्था तथा नेपाली नागरिकले खरिद गर्नसक्ने व्यवस्था गरिएको छ । यो ऋणपत्र धितो राखी कर्जा लिन वा दिन पाइने छ । विवरणअनुसार प्रतिस्पर्धीलाई ८.०७५ अर्ब र अप्रतिस्पर्धीलाई १.४२५ अर्ब रुपैयाँ छुट्याइएको छ ।
वि.सं.२०७८ माघ २४ सोमवार १२:५४ मा प्रकाशित
