काठमाडौं । हिमालयन डिष्टिलरीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले उक्त अवधिमा ४६ करोड २७ लाख २८ हजार रुपैयाँ नाफा कमाएको छ । कम्पनीको यो नाफा गत वर्षको पुस मसान्तसम्मको तुलनामा १६.३७ प्रतिशतले बढी हो । गत वर्षको सोही अवधिमा कम्पनीको खुद नाफा ३९ करोड ७६ लाख ४८ हजार रुपैयाँ रहेको थियो ।
चालु आवको ६ महिनामा कम्पनीको संचालन मुनाफा पनि १४.५२ प्रतिशतले वृद्धि भई ६४ करोड ७१ लाख ९ हजार रुपैयाँ पुगेको छ । गत वर्षको सोही अवधिमा कम्पनीको यो मुनाफा ५६ करोड ५० लाख ४० हजार रुपैयाँ रहेको थियो ।
चालु आवको पुस मसान्तसम्ममा कम्पनीको संचालन आम्दानी पनि २२.१३ प्रतिशतले वृद्धि भई २ अर्ब ९८ करोड ७२ लाख २४ हजार रुपैयाँ पुगेको छ ।
कम्पनीको चुक्ता पुँजी १ अर्ब ५१ कधरोडढ ८४ लाख ७९ हजार रुपैयाँ रहेको छ । कम्पनीले जगेडा तथा कोषमा भने ७३ करोड १९ लाख १८ हजार रुपैयाँ राखेको छ ।
कम्पनीको प्रतिसेयर आम्दानी पनि ३० रुपैयाँ ७१ पैसाले घटेर ६० रुपैयाँ ९५ पैसा कायढम भएको छ । कम्पनीको प्रतिसेयर नेटवर्थ भने १४८ रुपैयाँ २० पैसा रहेको छ ।
वि.सं.२०७८ माघ २८ शुक्रवार ११:१९ मा प्रकाशित
