काठमाडौ । राष्ट्रिय योजना आयोगका पुर्व उपाध्यक्ष, एवं गभर्नर दीपेन्द्रबहादुर क्षत्रीले अनौपचारिक क्षेत्रको कारोबार मौलाउदै गएका कारण पनि तरलता अभाव भएको बताएका छन् ।
नेपाल उद्योग बाणिज्य महासंघले बुधबार आयोजना गरेको छलफल कार्यक्रममा बोल्दै उनले राजनीतिक अस्थिरताले अनौपचारिक अर्थतन्त्र मौलाएको र त्यसले तरलताको समस्या उत्पन्न गरेको बताए ।
त्यस्तै उनले बैंकहरुले नाफामा केन्द्रित भएर कर्जा प्रबाह गर्दा रकम बाहिरिएर तरलताको समस्या भएको पनि दावी गरे । त्यस्तै राष्ट्र बैंकले व्यापारघाटा कम गर्नका लागि गरेको नगद मार्जिनको व्यवस्थाले अर्थतन्त्रमा असर पर्ने दावी गर्दै नेपाललाई ट्रान्जिट बनाएर निर्यात हुने बस्तुहरुको आयातमा पनि राष्ट्र बैंकले कडाई गर्नुपर्ने उनको जोड थियो ।
‘नेपालमा मात्र प्रयोग हुने मात्र नभएर नेपालको बाटो हुदै अन्यदेशतर्फ निकासा हुने बस्तुको आयातलाई पनि नियन्त्रण गर्नुपर्छ। ’ उनले भने । उनको कुरा सुन, सोयाविन तेल, पाम आयल तर्फ लक्षित थियो ।
वि.सं.२०७८ फागुन ११ बुधवार १६:०२ मा प्रकाशित
