काठमाडौं । चालु आर्थिक वर्षको लागि छुट्याएको बजेट आठ महिना बितिसक्दा कुल ४० प्रतिशतको हाराहारीमा खर्च भएको छ ।
महालेख नियन्त्रण कार्यालयको तथ्यांक अनुसार संघीय सरकारको बजेट अवस्था यस्तो देखिएको हो ।
सरकारले चालु आर्थिक वर्षमा १६ खर्ब ३२ अर्ब ८२ करोड ९२ लाख रुपैयाँ खर्च गर्ने लक्ष्यमा ८ महिनाको अवधिमा ६ खर्ब ७७ अर्ब ७६ करोड रुपैयाँ मात्र खर्च गरेको हो । जुन कुल बजेटको ४१.५१ प्रतिशत हो ।
महालेखा नियन्त्रकका अनुसार विकास निर्माणको लागि गरिने खर्च भनेर चिनीने पुजीँगत खर्चको अवस्था एकदम दयनिय देखिन्छ । चालु आर्थिक वर्षको आठ महिना वित्दा पनि पुजीँगत खर्च एक चौथाई हुन सकेको छैन ।
सरकारले चालु आर्थिक वर्षका लागि पुँजीगत बजेटका लागि ३ खर्ब ७८ अर्ब बढी रकम विनियोजन गरेको थियो ।
उक्त रकममध्ये हालसम्म चैत २ गतेसम्म आउँदा ७८ अर्ब ३६ करोड ७२ लाख रुपैयाँ बराबर मात्रै खर्च भएको हो । यो कुल बजेटको ३०.७३ प्रतिशत मात्रै हो ।
त्यस्तै चालु खर्च मात्रै ५०.६६ भएको छ । चालु शीर्षकमा १० खर्ब ६५ अर्ब २९ करोड रुपैयाँ बराबर विनियोजन भएकामा हालसम्म ५ खर्ब ३९ अर्ब ६८ करोड रुपैयाँ बराबर खर्च भएको महालेखा नियन्त्रक कार्यालयले जनाएको छ ।
वित्तीय व्यवस्थातर्फ कुल विनियोजित बजेटको ३१.५२ प्रतिशत बजेट खर्च भएको छ । यस शीर्षकमा १ खर्ब ८९ अर्ब ४३ करोड रुपैयाँ बराबर विनियोजन भएकामा ५९ अर्ब ७१ करोड ४५ लाख रुपैयाँ बराबर खर्च भएको देखिएको छ ।
त्यस्तै सरकार राजस्व संकलनमा भने खर्चमा भन्दा अगाडी नै छ । चालु आर्थिक वर्षका लागि ११ खर्ब ८० अर्ब ६० करोड रुपैयाँ बराबरको राजश्व संकलनको लक्ष्य राखेकोमा हालसम्म ६ खर्ब ८८ अर्ब ३८ करोड ५३ लाख रुपैयाँ बराबरको राजश्व संकलन भएको छ । जुन लक्ष्यको ५८.३१ प्रतिशत हो ।
आठ महिनाको अवधिमा सरकारले संकलन गरेको राजश्वमध्ये कर राजश्व तर्फ ६ खर्ब ३१ अर्ब ५२ करोड, गैर कर राजश्वतर्फ ५६ अर्ब ८६ करोड ४८ लाख र अनुदानतर्फ १३ अर्ब ८८ करोड ३३ लाख रुपैयाँ राजश्व संकलन गरेको छ ।
वि.सं.२०७८ चैत २ बुधवार १४:१३ मा प्रकाशित