काठमाडौं । नेपाल क्रेडिट एण्ड कमर्स (एनसीसी) बैंकले ४ लाख ७७ हजार कित्ता बढी संस्थापक सेयर बिक्री गर्ने भएको छ ।
बैंकले विभिन्न ७ जना संस्थापक सेयरधनीहरुको नाममा रहेको ४ लाख ७७ हजार ५२६ कित्ता संस्थापक सेयर बिक्री गर्न लागेको हो ।
जसमध्ये जीत बहादुर श्रेष्ठको नाममा रहेको ५० हजार कित्ता, जश श्रेष्ठको ५० हजार कित्ता, एन.वि. इन्भेष्टमेन्ट प्रा.लि.को १ लाख ६५ हजार, बिनु श्रेष्ठको ८५ हजार, लिला बहादुर गुरुङको ८८ हजार ६५४ कित्ता, अच्युत बहादुर हाडाको १९ हजार ४३६ र तनुजा जोशी हाडाको १९ हजार ४३६ कित्ता संस्थापक सेयर बिक्री गर्न लागेको हो ।
उक्त सेयरको प्रतिकित्ता बिक्री मूल्य भने तोकिएको छैन । उक्त सेयर खरीद गर्न इच्छुक योग्य बैंकका हाल कायम संस्थापकहरुले आवेन दिन सक्नेछन् ।
आवेदन आजैका मितिले ३५ दिनभित्र बैंकको बागबजार स्थित कार्यालयको सेयर विभागमा लिखित निवेदनसहित सम्पर्क गर्नुपर्नेछ ।
तोकिएको उक्त समय अवधिमा सेयर खरिदका लागि संस्थापकहरुबाट कुनै पनि निवेदन नआएको खण्डमा अन्य बिक्री प्रक्रिया अगाडी बढाउने बताइएको छ।
वि.सं.२०७८ चैत ८ मंगलवार ११:०० मा प्रकाशित