काठमाडौं । साताको अन्तिम कारोबार दिन सुनको मूल्य वृद्धि भएको छ । नेपाली बजारमा छापावाला सुनको मूल्य तोलामा ८ सय रुपैयाँले वृद्धि भएको हो ।
बिहीबार ९८ हजार ९ सय रुपैयाँमा कारोबार भएको सुन आज बढेर ९९ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आजाका लागि तेजावी सुनको मूल्य ९९ हजार २ सय रुपैयाँ निर्धारण भएको छ । अघिल्लो दिन भने यो सुन ९८ हजार ४ सय रुपैयाँमा कारोबार भएको थियो ।
यस्तै, उक्त दिन चँदीको मूल्य पनि वृद्धि भएको छ । आज चाँदी तोलामा १० रुपैयाँले वृद्धि भई १ हजार ३६० रुपैयाँ कायम भएको छ । बुधवार भने चाँदी १ हजार ३५० रुपैयाँमा खरिदबिक्री भएको थियो ।
वि.सं.२०७८ चैत १८ शुक्रवार ११:११ मा प्रकाशित