काठमाडौं । बलेफी हाईड्रोपावर कम्पनीले आईपीओ निष्काशन तथा बिक्री खुला गरेको आईपीओ आवेदन दिने आज अन्तिम दिन रहेको छ ।
चैत १६ गतेदेखि कम्पनीले १८ करोड २७ लाख ९७ हजार रुपैयाँ बराबरको प्रतिसेयर १०० अंकित मूल्यका १८ लाख २७ हजार ९७० कित्ता आईपीओ निष्काशन गरेको हो ।
कम्पनीले निष्काशन गर्ने कुल सेयरमध्ये ७३ हजार ११९ कित्ता कम्पनीका कर्मचारीहरुका लागि, ९१ हजार ३९८ कित्ता सेयर सामूहिक लगानी कोषहरुलाई र बाँकी रहेको १६ लाख ६३ हजार ४५३ कित्ता सेयर सर्वसाधारणका छुट्याएको छ ।
उक्त आईपीओमा न्यूनतम १० कित्ता र अधिकतममा १ लाख कित्तासम्मका लागि आवेदन दिन सकिने कम्पनीले जनाएको छ ।
कम्पनीको सेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ ।
वि.सं.२०७८ चैत २१ सोमवार ०८:०८ मा प्रकाशित
