काठमाडौं । नेपाल क्रेडिट एण्ड कमर्स (एनसीसी) बैंकले संस्थापक समूहको सेयर बिक्रीमा ल्याएको छ ।
बैंकले जेठ २४ मंगलबारदेखि संस्थापक सेयरधनीहरु मध्येको ८ लाख ८० हजार कित्ता संस्थापक सेयर बिक्रीमा ल्याएको हो ।
उक्त सेयर खरिदका लागि बैंकका विद्यमान संस्थापक सेयरधनी लगायत अन्य इच्छुक व्यक्ति, फर्म कम्पनी तथा संगठित संस्थाहरुले आवेदन दिन सक्नेछन् । उक्त सेयरको बिक्री मूल्य न्युनतम प्रतिसेयर १४१ रुपैयाँ तोकिएको छ ।
उक्त संस्थापक सेयर खरिदका लागि आजैका मिति (जेठ २४ गते )ले १५ दिनभित्र अर्थात जेठ २४ गतेदेखि असार ७ गतेसम्म आवेदन दिन सक्नेछन् । सेयर खरीदका लागि आवेदन दिदाँ तोकिएको मूल्य वा सोभन्दा बढी मूल्य अंकित गरी दिनुपर्नछ ।
खरिदकर्ताले न्यूनतम एक हजार कित्तादेखि अधिकतम सम्पूर्ण कित्तासम्म माग गर्न सकिने सूचनामा उल्लेख छ । बिक्री प्रबन्धकमा सनराइज क्यापिटल लिमिटेड रहेको छ ।
अन्य विस्तृतका लागि हेर्नुहोस् सूचना
वि.सं.२०७९ जेठ २९ आइतवार १५:१३ मा प्रकाशित
