काठमाडौं । आदर्श लघुवित्त वित्तीय संस्थाको आईपीओमा आवेदन दिने आज अन्तिम मौका रहेको छ ।
कम्पनीको आईपीओमा आज अर्थात असार ५ गते बैंकिङ्ग समयसम्म आवेदन दिन सकिनेछ ।
कम्पनीलेद असार १ गतेदेखि सर्वसाधारणमा ६७ लाख बराबरको ६७ हजार कित्ता आईपीओ सर्वसाधारणमा जारी गरेको हो ।
सर्वसाधारणमा निष्काशन हुने लागेको कुल ६७ हजार कित्ता सेयरमध्ये १ हजार ३५ कित्ता कर्मचारीहरुका लागि र ३ हजार ३५० कित्ता सामूहिक लगानी कोषहरुलाई र यी बाहेक बाँकी ६२ हजार ६१५ कित्ता सेयर सर्वसाधारणका छुट्याएको छ ।
कम्पनीको आईपीओमा लगानीकर्ताले न्यूनतम १० कित्तादेखि १ हजार कित्तासम्मका लागि आवेदन दिन सक्नेछन् ।
कम्पनीको आईपीओ निष्काशन तथा बिक्री प्रबन्धकमा बिओके क्यापिटल मार्केट लिमिटेड रहेको छ ।
वि.सं.२०७९ असार ५ आइतवार ०९:५२ मा प्रकाशित
