काठमाडौं । लुम्बिनी जनरल इन्स्योरेन्स कम्पनीले साधारण सभाका लागि मिति तय गरेको छ ।
कम्पनीले १७ औं वार्षिक साधारण सभा आउँदो असार २९ गते गर्ने भएको छ । कम्पनीको असार ८ गते बसेको सञ्चालक समितिको बैठकले उक्त दिन सभा गर्ने निर्णय गरेको हो ।
सभामा लाभांश पारित गर्ने मुख्य एजेण्डा रहेको छ । कम्पनीको सभाले ९.५ प्रतिशत बोनस सेयर र कर प्रयोजनका लािग ०.५ प्रतिशत नगद लाभांश वितरण गर्ने प्रस्ताव पारित गर्नेछ ।
सोही सभाले अधिकृत पूँजी हाल १ अर्ब २५ करोड रुपैयाँबाट वृद्धि गरेर ३ अर्ब रुपैयाँ पु¥याउने प्रस्ताव समेत पारित गर्नेछ ।
यसका साथै सभाले आगामी दिनमा मर्जर तथा प्राप्ति प्रक्रियामा जाने भएमा सो को आवश्यक सम्पूर्ण कार्य गर्न सञ्चालक समितिलाई अख्यितारी प्रदान गर्ने प्रस्ताव पनि पारित गर्नेछ ।
यस्तै, सभाले संस्थापक सेयरधनीहरुको तर्फबाट प्रतिनिधित्व गर्ने चार जना सञ्चालकहरुको निर्वाचन गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले असार १५ गते एक दिन बुक क्लोज गरेको छ ।
वि.सं.२०७९ असार ९ बिहीवार ११:२४ मा प्रकाशित
