काठमाडौं । बीमा समितिले करिब दुई दर्जन बीमा कम्पनीहरुलाई कारबाही गर्ने भएको छ ।समितिले समयमा लेखापरिक्षण प्रतिवेदन नबुझाउने २२ बीमा कम्पनीहरुलाई कारबाही गर्ने भएको हो ।
समितिले निर्धारण गरेको समयमा वित्तीय विवरण तयार पारी लेखा परीक्षण प्रतिवेदन नबुझाउने कम्पनीहरुलाई १० हजारदेखि १० हजार ५ सय रुपैयाँसम्म जरिवाना तोकेको हो ।
समयमै लेखा परीक्षण प्रतिवेदन नबुझाउनेमा राष्ट्रिय बीमा संस्थान, नेपाल लाइफ इन्स्योरेन्स, नेपाल लाइफ इन्स्योरेन्स, गुराँस लाइफ, आईएमई लाइफ, युनियन लाइफ, सन नेपाल लाइफ, रिलायबल लाइफ, सानिमा लाइफ, दि ओरिएण्टल इन्स्योरेन्स, नेशनल इन्स्योरेन्स र राष्ट्रिय बीमा कम्पनी रहेका छन् । यी १२ वटा कम्पनीलाई समितिले कारबाही स्वरुप १० हजार ५ सय रुपैयाँ जरिवाना तोकेको छ ।
यस्तै, नेपाल पुर्नर्बीमा कम्पनी, लाइफ इन्स्योरेन्स कर्पोरेशन, एशियन लाइफ इन्स्योरेन्स, सूर्या लाइफ, प्राइम लाइफ, ज्योति लाइफ, रिलायन्स लाइफ सिटिजन लाइफ, प्रभु लाइफ र महालक्ष्म लाइफ इन्स्योन्स कम्पनीले पनि समितिले तोकेको समयमा लेखा परीक्षण प्रतिवेदन बुझाएका छैनन् । यी १० कम्पनीलाई समितिले १० हजार रुपैयाँ जरिवाना गरेको छ ।
वि.सं.२०७९ असार ९ बिहीवार १२:३५ मा प्रकाशित
