काठमाडौं । मिर्मिरे लघुवित्त वित्तीय संस्था र बुद्धज्योती लघवित्त वित्तीय संस्थाले विशेष साधारण सभा डोकेका छन् ।
प्राप्ति प्रस्ताव पारित गर्न दुबै कम्पनीले असार ३१ गते विशेष साधारण सभा बोलाएका हुन् । मिर्मिरे लघुवित्तले बुद्धज्योती लघुवित्तलाई प्राप्ति गर्ने भएको हो ।
मिर्मिरे लघुवित्तले होटल सारथी धुलिखेल, काभ्रेपलाञ्चोकमा विहान ११ बजे र बुद्धज्योती लघुवित्तले केन्द्रीय कार्यालय लुम्बिनी, रुपन्देहीमा विहान ११ बजे सभा बोलाएका हुन् ।
सभामा मिर्मिरे लघुवित्तले बुद्धज्योती लघुवित्तलाई प्राप्ति गरेपश्चात् पूँजी संरचना परिवर्तन बमोजिम पूँजी संरचना समायोजन गर्न एफपीओ जारी गर्ने प्रस्ताव पनि पारित गर्नेछ ।
सभामा दुबै कम्पनीले प्राप्ति सम्बन्धी प्रस्ताव पारित गर्दै यस प्रयोजनका लागि आवश्यक सम्पूर्ण कामको जिम्मेवारी सञ्चालक समितिलाई दिनेछन् ।
मिर्मिरेले विशेष साधारण सभा प्रयोजनका लागि असार २४ गते एक दिन बुक क्लोज गर्ने भएको छ ।
वि.सं.२०७९ असार १६ बिहीवार ११:४१ मा प्रकाशित
